Tájikstanda qolma-qol aqshasyz operatsııalar sany 47% jetti

ASTANA. KAZINFORM – Tájikstannyń ulttyq banki ótken jyly elde qolma-qol aqshasyz jasalǵan operatsııalar sany óskenin habarlady. 2024 jylmen salystyrǵanda olardyń sany 47% jetken, dep habarlaıdy Hovar.

Ulttyq bank málimetinshe, elde elektrondy tólem quraldary — bank kartalary men elektrondy ámııandar arqyly jalpy sany 136 mln qolma-qol aqshasyz operatsııa jasalyp, olardyń kólemi 42,4 mlrd somonıdi quraǵan. Bul kórsetkishter 2024 jylmen salystyrǵanda operatsııa sany boıynsha 47,1%-ǵa, al kólemi jaǵynan 39,8%-ǵa joǵary.

Qolma-qol aqsha alý men qolma-qolsyz tólemderdiń ara qatynasy 70,6% pen 29,4% deńgeıinde qalyptasqan. Sonymen qatar, qolma-qolsyz operatsııalardyń úlesi bir jyl ishinde 3,2 paıyzdyq tarmaqqa artqan.

Tek 2025 jyldyń jeltoqsan aıynyń ózinde qolma-qolsyz tólemderdiń úlesi 38,9%-ǵa jetip, 2024 jyldyń osy kezeńimen salystyrǵanda 9,4 paıyzdyq tarmaqqa ósken.

Tájikstanǵa tartylǵan sheteldik ınvestıtsııa kólemi 35 paıyzǵa ósti.