Tájikstanda qar kóshkini men tas qulaý qaýpi kúsheıdi

ASTANA. KAZINFORM – Tájikstan Respýblıkasy Úkimetiniń janyndaǵy Tótenshe jaǵdaılar jáne azamattyq qorǵanys komıteti el turǵyndary men qonaqtaryna aldaǵy kúnderi respýblıkanyń taýly aımaqtarynda, «Dýshanbe – Hýdjand»  avtojolynyń aýmaǵynda jáne Taýly-Badahshan avtonomııalyq oblysynyń batys aýdandarynda qar kóshkini men tas qulaý qaýpi joǵary bolatynyn eskertti, dep  jazady  Hovar agenttigi.  

Tájikstan Respýblıkasy Úkimetiniń janyndaǵy Tótenshe jaǵdaılar jáne azamattyq qorǵanys komıteti turǵyndardy uzaq saparǵa shyǵýdan, otyn jınaýdan, ań aýlaýǵa jáne balyq aýlaýǵa barýdan, sondaı-aq qar kóshkini qaýpi bar aımaqtarǵa barýdan bas tartyp, saq bolýǵa shaqyrady.

Buǵan deıin Komıtet jaýyn-shashyn saldarynan Gıssar jotasynyń taýlarynda, sondaı-aq «Dýshanbe – Horog», «Dýshanbe – Hýdjand», «Dýshanbe – Lahsh», «Horog – Mýrgab», «Horog-Ishkashım» avtojoldarynda qar kóshkini yqtımaldyǵy saqtalatynyn habarlaǵan bolatyn.

Esterińizge sala keteıik, bir jyl buryn 15-21 aqpan aralyǵynda Tájikstanda 200-den astam qar kóshkini bolǵan. Tabıǵı apat saldarynan kem degende 19 adam qaza tapty.