Tájikstanda kámeletke tolmaǵan balalar nekege turýǵa ruqsat aldy
ASTANA. KAZINFORM – Tájikstanda 400-den astam kámeletke tolmaǵan bala Respýblıka Joǵarǵy sotynyń sheshimi boıynsha nekege turýǵa ruqsat aldy, dep habarlaıdy Kazinform agenttiginiń Dýshanbedegi menshikti tilshisi.
Baspasóz máslıhaty barysynda Tájikstan Joǵarǵy Soty Tóraǵasynyń orynbasary Abdýkahhor Tagozoda jyl basynan beri sottarǵa neke jasyn tómendetý týraly 503 ótinish túskenin habarlady. Olardy qaraý qorytyndysy boıynsha 423 kámeletke tolmaǵan balaǵa nekege turýǵa ruqsat etildi.
Ol jyl saıyn ótinishter sany azaıyp kele jatqanyn atap ótti. Máselen, 2025 jyldyń osy kezeńinde sottar neke jasyn tómendetý týraly 1,3 myńnan astam ótinishti qaraǵan.
Spıker málimdemelerdiń kópshiligi aýyr materıaldyq jaǵdaıǵa, ata-ana men qamqorshylardyń bolmaýyna baılanysty ekenin atap ótti.
- Eger neke qııý jáne otbasyn qurý jas jigittiń áleýmettik jaǵdaıyn jaqsartýǵa yqpal etse, sot neke jasyn tómendetýi múmkin, - dep túsindirdi Abdýkah[or Tagozoda.
Sonymen birge ol erte neke áli de ótkir áleýmettik máselelerdiń biri bolyp qala beretinin atap ótti. Óıtkeni jastar kóbinese otbasylyq ómirge daıyn emes.
Keıingi jyldardaǵy erte neke sanynyń turaqty tómendeý tendentsııasyna qaramastan, bul másele memlekettik organdardyń, azamattyq qoǵam ınstıtýttarynyń jáne halyqaralyq uıymdardyń nazarynda.
Aıta keteıik, jyl basynan beri 23 myńnan astam qazaqstandyq týrıst Tájikstanǵa barǵan.
