Tájikstanda dınozavrdyń bas súıegi tabyldy

ASTANA.KAZINFORM - Reseılik paleontologtar Tájikstannan úırek tumsyqty dınozavrdyń bas súıeginiń synyǵyn tapty, dep habarlaıdy Kazinform agenttiginiń menshikti tilshisi.

Sankt-Peterbýrg memlekettik ýnıversıtetiniń málimetinshe, mundaı jańalyq bul aımaq úshin óte sırek kezdesedi.

-Súıek óte jaqsy saqtalǵan, bul bizge dınozavrdyń qaı topqa jatatynyn dál anyqtaýǵa múmkindik beredi. Qazirgi ýaqytta mamandar úlgini basqa elderdegi kollektsııalarmen salystyra otyryp, egjeı-tegjeıli zertteý júrgizip jatyr, - dep habarlaıdy Sankt-Peterbýrg memlekettik ýnıversıteti.

Buǵan deıin Tájikstanda, Soǵdy oblysynyń Kansaı aýylynda 85 mıllıon jyldyq dınozavr qaldyqtary tabylǵan bolatyn.

Buǵan deıin Qyzylorda oblysynda dınozavr súıegi tabylǵany habarlandy. Qyzylorda oblystyq tarıh jáne ólketaný murajaıynyń mamandary Shah-Shah shatqalynda tabylǵan qaldyqtar mezozoı dáýiriniń bor kezeńinde ómir súrgen dınozavrǵa tıesili bolýy múmkin ekenin habarlady.

Sondaı-aq, Afrıka men Ońtústik Amerıka ǵalymdarynyń birdeı dınozavr izderin tapqanyn habarladyq. Zertteý dınozavrlardyń Brazılııa men Kamerýn arasynda shamamen 120 mıllıon jyl buryn meken etkenin kórsetedi.