13:05, 26 Aqpan 2024 | GMT +6
Tájikstanda birneshe qylmys jasap izdeýde júrgen adam Óskemende ustaldy
ÓSKEMEN. KAZINFORM – Birneshe qylmys jasaǵany úshin memleketaralyq izdeýde bolǵan Tájikstan azamaty Óskemende ustaldy.
Quqyq qorǵaý organy qyzmetkerleri Óskemendegi jaldamaly páterlerdiń birinde jedel-izdestirý sharalaryn júrgizý barysynda sheteldik qylmyskerdi ustady. 25 jastaǵy tájikstandyq bir jyldan astam ýaqyt boıy alaıaqtyq pen urlyq jasaǵany úshin izdestirýde bolǵan.
«Qazirgi ýaqytta er adam ýaqytsha ustaý ızolıatoryna qamaldy. Tájikstan Respýblıkasyndaǵy áriptesterge qylmyskerdiń ornalasqan jeri týraly habarlama jiberildi. Ony ekstradıtsııalaý máselesi qarastyrylýda», - dep habarlady oblystyq Polıtsııa departamentiniń baspasóz qyzmeti.
Jyl basynan beri ShQO PD qyzmetkerleri izdestirýde júrgen 20-ǵa jýyq qylmyskerdi ustaǵan.
