Tájikstanda balgerlerdiń qyzmetine júgingenderge aıyppul salynýy múmkin

ASTANA. KAZINFORM – Tájikstan úkimeti balgerler men kóripkelderdiń qyzmetin paıdalanǵany úshin aıyppul engizýdi kózdeıtin zań jobasyn parlamentke usyndy.

Qujatta Ákimshilik quqyqbuzýshylyqtar týraly kodekstiń 482-babyna «Sıqyrshylardyń, balgerlerdiń jáne kóripkelderdiń qyzmetin paıdalaný» jóninde jańa tarmaq engizý qarastyrylǵan.

Eger atalǵan túzetý parlamentte qabyldansa, balgerlerge nemese kóripkelderge júgingen azamattarǵa 750 somonıge deıin (shamamen 44 myń teńge) aıyppul salynady.

Sońǵy jyldary Tájikstan bıligi balgerlik pen kóripkeldikke qarsy sharalardy kúsheıtti. Ótken jyly elde bal ashý jáne sıqyr jasaý úshin jaza engizilgen bolatyn. Kodekstiń 482-babyna engizilgen túzetýlerge sáıkes, balgerlikpen aınalysqan jeke tulǵalar 80-nen 100 eseptik kórsetkishke deıingi mólsherde aıyppul tóleıdi nemese 10-15 táýlikke ákimshilik qamaýǵa alynady.

Tájikstan Іshki ister mınıstrliginiń dereginshe, bıylǵy alǵashqy jartyjyldyqta elde balgerlik pen sıqyrshylyqpen aınalysýdyń 495 jaǵdaıy tirkelgen.

Aıta keteıik, Tájikstanda lúpil men repost úshin qylmystyq jaza joıyldy.