Tájikstanda balalarǵa áleýmettik jelige kirýge tyıym salynýy múmkin

ASTANA. KAZINFORM — Tájikstan parlamentiniń depýtaty Dılnoza Ahmadzoda 14 jasqa deıingi balalardyń áleýmettik jelini paıdalanýyna tolyq tyıym salýdy jáne jasóspirimderdiń ony paıdalanýyn qatań qadaǵalaýdy usyndy. Onyń usynysy «Narodnaıa gazeta» basylymynda jarııalandy. 

Depýtat bıyl úkimet balalar quqyǵyn qorǵaý týraly zańǵa jalǵan jáne zııandy aqparatqa qatysty birqatar túzetý engizgenin aıtty. Alaıda ol balalar men jasóspirimderdiń áleýmettik jelilerdi paıdalanýyn baqylaý úshin basqa da túzetýler engizý qajet dep sanaıdy.

Ahmadzodanyń usynysy boıynsha, 14 jasqa tolmaǵan kámeletke tolmaǵandardyń áleýmettik jelilerge kirýine tolyq tyıym salynýy kerek, al 14 pen 17 jas aralyǵyndaǵy jasóspirimder ony tek ata-anasynyń jazbasha kelisimimen ǵana paıdalana alady.

Degenmen, sarapshylardyń pikirinshe, áleýmettik jelilerdi paıdalanýǵa tolyq tyıym salý máseleni sheshpeıdi. Olardyń pikirinshe, paıdalanýdy retteý men baqylaý tolyq tyıym salýdan tıimdirek bolar edi.

Eske sala keteıik, Aýstralııa jasóspirimderge áleýmettik jelini shektedi: BUU qoldaý bildirdi. 

Túrkııada 16 jasqa tolmaǵandarǵa áleýmettik jelini paıdalanýǵa tyıym salyndy.