Tájikstanda áıelderge qatysty 3 myńnan astam qylmys tirkelgen

ASTANA. KAZINFORM – 2025 jyldyń qorytyndysy boıynsha Tájikstanda áıelderge qatysty zorlyq-zombylyqqa baılanysty shaǵymdar men tirkelgen qylmystar sany artqan, dep habarlaıdy Kazinform menshikti tilshisi.

Esep berý baspasóz máslıhatynda Tájikstan Respýblıkasy Áıelder jáne otbasy isteri komıtetiniń tóraǵasy Býnafsha Faızıddınzoda vedomstvoǵa áıelderge qatysty zorlyq-zombylyq týraly barlyǵy 3609 shaǵym túskenin nemese ótken jylǵy kórsetkishpen salystyrǵanda 367 jaǵdaıǵa kóp ekenin habarlady.

- Olardyń ishinde áıelderge qatysty 3423 qylmys tirkeldi, bul 2024 jylǵy kórsetkish salystyrǵanda 177 jaǵdaıǵa kóp. Budan basqa, jas boıjetkenderge qatysty 288 qylmys tirkeldi, bul 2024 jylmen salystyrǵanda 80 jaǵdaıǵa kóp, - dep málimdedi spıker.

Ol esepti kezeńde áıelder tarapynan erlerge qatysty zorlyq-zombylyqqa qatysty shaǵymdar sanynyń da óskenin atap ótti. Mundaı 590 shaǵym tirkeldi, bul aldyńǵy jylmen salystyrǵanda 36-ǵa kóp.

Osyǵan deıin Tájikstanda 2025 jyly 5 tonnadan astam esirtki tárkilengeni týraly jazdyq.