Tájikstanda aldaǵy bes jylda 1,4 mıllıon jumys orny qurylady

ASTANA.KAZINFORM - Tájikstanda aldaǵy bes jylda 1,4 mıllıon jumys orny qurylady. Bul týraly Tájikstan prezıdenti Emomalı Rahmon jyl saıynǵy joldaýynda málimdedi, dep habarlaıdy Kazinform agenttiginiń menshikti tilshisi.

Ol bul ekonomıkany nyǵaıtýǵa jáne azamattardyń ómir súrý jaǵdaıyn jaqsartýǵa baǵyttalǵan strategııanyń bir bóligi ekenin atap ótti. Elde jumys kúshi mol, sońǵy 10 jylda 880 000 adamǵa nemese jylyna 2%-ǵa ósti. Jyl saıyn 200 000-nan astam jańa jumys orny qurylady, al kásiptik mektepterdiń 150 000-nan astam túlegi eńbek naryǵyna shyqty.

- Atqarýshy memlekettik organdarǵa, mınıstrlikterge jáne agenttikterge aldaǵy bes jylda 1 mln 400 myń jumys ornyn qurý maqsatynda memlekettik baǵdarlamalarmen belgilengen maqsattardy tıimdi júzege asyrýdy qamtamasyz etý tapsyryldy, - dedi Emomalı Rahmon.

Memleket basshysy shaǵyn bıznes, qolóner, otbasylyq kásipkerlikti qoldaýǵa, sondaı-aq aýyldyq jerlerdegi áıelder men múgedekterdi jumyspen qamtýǵa erekshe nazar aýdarylatynyn atap aıtty.

Aıta keteıik, Tájikstanda Ulttyq sý keńesi óz jumysyn bastady.