Tájikstanda 5,5 baldyq jer silkinisi boldy

ASTANA. KAZINFORM – Qaza tapqandar men zardap shekkender týraly aqparat joq, dep jazdy Anadoly.

Tájikstannyń Taýly-Badahshan avtonomdy oblysyna qarasty Ishkashım aýdanynda 5,5 magnıtýdaly jer silkinisi tirkeldi.

Ózbekstannyń Seısmologııa ortalyǵynyń málimetinshe, jerasty dúmpýleri jergilikti ýaqyt boıynsha saǵat 11:47-de Tájikstan men Aýǵanstan shekarasynda tirkelgen.

Jer silkinisiniń epıtsentri Ishkashım aýdanynan 69 shaqyrym ońtústikte ornalasqan. Zilzalanyń oshaǵy 120 shaqyrym tereńdikte bolǵan.

Taýly aımaqta tirkelgen bul zilzaladan keıin zardap shekkender men qıraǵan nysandar týraly aqparat túsken joq.

Aıta keteıik, sońǵy bir apta ishinde óńirde túrli magnıtýdadaǵy alty jer silkinisi boldy. Eń kúshtisi 13 sáýirde sol óńirde tirkelip, onyń qýaty 5,8 ball bolǵan. Dúmpý kesirinen 29 turǵyn úı men bir bilim berý mekemesi zaqymdanǵan edi.

Jer silkinisi sol kezde kórshiles Ózbekstanda da sezilgen.