Tájikstanda 28 myń gektardan astam jer aýyl sharýashylyǵyna qaıtarylady
ASTANA.KAZINFORM — Tájikstanda 2026-2030 jyldarǵa arnalǵan jańa sýarmaly aýmaqtardy damytý jáne aýyl sharýashylyǵy aınalymynan shyǵarylǵan jerlerdi qalpyna keltirý jónindegi memlekettik baǵdarlama ázirlendi, dep habarlaıdy Tájikstan Respýblıkasy Prezıdentiniń baspasóz qyzmeti.
Baǵdarlama prezıdent Emomalı Rahmonnyń tóraǵalyǵymen ótken úkimet otyrysynda tanystyryldy.
— Baǵdarlamany júzege asyrý nátıjesinde 11 800 ga jańa jerdi ıgerý jáne aýyl sharýashylyǵy aınalymynan alynǵan 16 750 ga jerdi qaıtarý múmkindikteri paıda bolady, — dedi Tájikstan Respýblıkasynyń Melıoratsııa jáne ırrıgatsııa agenttiginiń dırektory Zafarbek Davlatzoda.
Ol qujat Tájikstan Respýblıkasynyń 2030 jylǵa deıingi ulttyq damý strategııasynyń jáne Tájikstan Respýblıkasynyń 2040 jylǵa deıingi ulttyq sý strategııasynyń maqsattaryna qol jetkizý úshin ázirlengenin atap ótti.
Emomalı Rahmon jańa Memlekettik baǵdarlama men ony júzege asyrý jónindegi is-sharalar josparyn bekitýge tapsyrma berdi.