Qyrǵyzstanda qonys-kolonııalary túgel jabylady

ASTANA. KAZINFORM — Qyrǵyzstandaǵy qonys-kolonııalarynyń barlyǵy jabylady. Bul týraly Qyrǵyz Respýblıkasynyń Ádilet mınıstri Aıaz Baetov memlekettik júıeni bıýrokratııadan aryltý boıynsha qabyldanyp jatqan sharalarǵa arnalǵan brıfıngte málimdedi. 

Onyń aıtýynsha, túzeý kolonııalarymen qatar qonys kolonııalary da bar. Onda sottalǵandar tirkelip, baqylaýdan ótý úshin barady.

— Biraq bul adamdardyń qonys-kolonııalaryna kelý men tirkeýdi toqtatýyna ákeldi. Sodan keıin biz probatsııa júıesin engizdik, nátıjesinde eki júıe bir-birin qaıtalaı bastady. Kadr tapshylyǵy da boldy. Endi bul qonys-kolonııalary jabylyp, barlyǵy probatsııa júıesine aýystyrylady, — deıdi ol.

Sheneýniktiń aıtýynsha, aldymen bes qonys-kolonııasy jabylady, keıin taǵy beseýi.

Tıisti jarlyqqa Qyrǵyzstan prezıdenti S. Japarov qol qoıǵan.

Eske sala keteıik, Qyrǵyzstanda lıtsenzııasyz taksısterge aıyppul salý bastalady.