Tájikstan Taıaý Shyǵystan azamattaryn evakýatsııalaý úshin charterlik reıs uıymdastyrdy
ASTANA.KAZINFORM - Tájikstan bıligi ulttyq áýe tasymaldaýshysyna Taıaý Shyǵys elderinen azamattardy qaıtarý úshin charterlik reıs uıymdastyrýdy tapsyrdy, dep habarlaıdy Kazinform agenttiginiń Dýshanbedegi menshikti tilshisi.
- Tájikstan úkimetiniń nusqaýlaryna sáıkes, Somon Air áýe kompanııasyna turaqsyz aımaqtardan kelgen azamattardy qaıtarý úshin charterlik reıster uıymdastyrý tapsyryldy, - dep habarlady Tájikstan Syrtqy ister mınıstrligi.
Osy reıstermen elge oralǵysy keletin azamattar qosymsha aqparat alý jáne tirkelý úshin tıisti elderdegi Tájikstan Respýblıkasynyń dıplomatııalyq mıssııalary men konsýldyq mekemelerine habarlasa alady.
Mınıstrlik málimetinshe, Ázerbaıjan jáne Túrikmenstanmen shekaradan ótken Irannan 219 tájik azamatyn qaıtarý jumysy uıymdastyrylǵan. Taıaý Shyǵystaǵy dıplomatııalyq mıssııalar elge oralǵysy keletinderdiń tizimin únemi jańartyp otyrady.
Aıta keteıik, Ózbekstan Taıaý Shyǵys elderinen 9,3 myńnan astam otandasyn evakýatsııalady.
