Tájikstan Ramazan aıynda azyq-túlik baǵasyn baqylaýdy engizdi
ASTANA. KAZINFORM – Tájikstan astanasynda Ramazan aıynda azyq-túlik baǵasyn baqylaıtyn toptar quryldy. Bul týraly eldiń ІІM-niń Dýshanbe qalasy boıynsha basqarmasy habarlady.
Quqyq qorǵaý organdarynyń qyzmetkerleri kásipkerlerdi azyq-túlik ónimderi baǵasynyń negizsiz ósýine jol bermeýge shaqyryp, Ramazan aıy meıirimdilik aıy jáne ıgi ister ýaqyty ekenin eske saldy.
- Ókinishke qaraı, materıaldyq paıdany kózdeıtin keıbir arsyz adamdar halyqtyń suranysy men qajettilikteriniń artýyn paıdalanyp, azyq-túlik baǵasyn negizsiz kóterip otyr. Mundaı áreketter qoǵamnyń moraldyq normalaryna ǵana emes, sonymen qatar rýhanı jáne etıkalyq qundylyqtarǵa da qaıshy keledi, - dep habarlady ІІM-niń Dýshanbe qalasy boıynsha basqarmasy.
Osyǵan baılanysty, eldegi bas qalanyń mılıtsııa qyzmetkerleri basqa ýákiletti organdarmen birlesip, mańyzdy taýarlar baǵalaryn baqylaý jáne retteýge baǵyttalǵan maqsatty tekserýler men aqparattyq-túsindirý jumystaryn júrgizip otyr.
Vedomstvo buzýshylarǵa zańda ornatylǵan tártip boıynsha tıisti sharalar qabyldanatynyn eskertti.
Búgin Memleket basshysy Qazaqstan halqyn Ramazan aıynyń bastalýymen quttyqtady.