Tájikstan prezıdenti el áskerine jasandy ıntellektti qoldanýdy tapsyrdy

DÝShANBE. KAZINFORM — Tájikstan Qarýly kúshteriniń qurylǵanyna 32 jyl tolýyna oraı Dýshanbede áskerı sherý ótti, dep habarlaıdy Kazinform agenttiginiń tilshisi.

Saltanatty sharada sóz sóılegen Tájikstan prezıdenti Emomalı Rahmon sala mamandaryn merekemen quttyqtap, búginde bolyp jatqan túrli shılenister kezeńinde áskerge bosańsýǵa bolmaıtynyn atap ótti.

— Ekstremıstik jáne terrorıstik uıymdardyń belsendiligi men zańsyz esirtki aınalymy, uıymdasqan qylmystyq toptardyń áreketi basty qaýip bolyp qala beredi. Sondyqtan áskerıler men quqyq qorǵaý organdarynyń qyzmetkerlerine erekshe jaýapkershilik júkteledi, — dedi E. Rahmon.

Tájikstan basshysy kadrlardyń biliktiligin arttyrýǵa asa mán berýdiń mańyzyna toqtalyp, áskerge zamanaýı tehnologııalardy engizýdi tapsyrdy.

— Ofıtserler men sarbazdardyń kásibı sheberligin arttyrý qajet. Munymen birge, ásker zamanaýı tehnologııalardy, onyń ishinde jasandy ıntellektti ıgerip, tıisinshe ony qoldanýǵa basymdyq berýi kerek, — dep toqtaldy Tájikstan prezıdenti.

Eske salaıyq, Qyrǵyzstan Tájikstan jáne Ózbekstanmen shekaradaǵy baqylaýdy kúsheıtpek.

Qosa keteıik, Naýryz meıramynda terakt jasamaq bolǵan 30-dan astam tájikstandyq sottaldy.