Tájikstan Ortalyq Azııanyń ortaq kólik-logıstıkalyq keńistigin qalyptastyrý bastamasyn kóterdi

TAShKENT. KAZINFORM – Ortalyq Azııa memleketteri basshylarynyń VII Konsýltatıvtik kezdesýine qatysqan Tájikstan prezıdenti Emomalı Rahmon aımaqtaǵy kólik dálizderin damytýǵa nazar aýdarý kerektigin málimdedi, dep habarlaıdy Kazinform agenttiginiń menshikti tilshisi. 

— Tranzıttik marshrýttarǵa degen suranystyń artqan kezeńinde bizdiń aımaq kólik jáne logıstıkalyq baılanystardyń strategııalyq torabyna aınalyp jatyr. Kólik-kommýnıkatsııalyq ınfraqurylymdy ıntegratsııalaý jáne logıstıkalyq protsesterdi tsıfrlandyrý arqyly osy saladaǵy yntymaqtastyqty júıeli jolǵa qoıý qajet. Sondaı-aq, temirjol, áýe jáne aralas tasymal baǵytyndaǵy múmkindikti utymdy paıdalaný oryndy. Bul júk tasymalyn ulǵaıtý jáne óńirdiń ınvestıtsııalyq tartymdylyǵyn arttyrý úshin jańa múmkindikter ashady. Osy rette, Ortalyq Azııanyń ortaq kólik-logıstıkalyq keńistigin qalyptastyrýdy usynamyz, — dep málimdedi Emomalı Rahmon.

Eske salaıyq, sammıt barysynda Ázerbaıjan Ortalyq Azııa basshylary Konsýltatıvtik kezdesýiniń teń quqyly múshesi atandy.

Sondaı-aq, sammıtte sóz sóılegen Memleket basshysy birqatar mańyzdy bastama kóterdi.