Tájikstan NVIDIA qoldaýymen JI habyn iske qosady
ASTANA. KAZINFORM — Germanııadaǵy Tájikstan elshiliginde jasandy ıntellekt ınnovatsııalyq haby (AI Innovation Hub) ashyldy, dep habarlaıdy Kazinform agenttiginiń Dýshanbedegi tilshisi.
Ortalyq Azııadaǵy alǵashqy ınnovatsııalyq ortalyq Dýshanbede NVIDIA qoldaýymen Area AI platformasyna negizdelip qurylyp jatyr. Tusaýkeser NVIDIA GTC Berlin 2026 halyqaralyq konferentsııasy aıasynda ótti. NVIDIA AI Nations Global baǵdarlamasynyń dırektory Shılpa Kolhatkar jáne Armada, VEON, DataVolt, Perplexity jáne Supermicro tehnologııalyq kompanııalarynyń ókilderi qatysty.
Tájikstan elshisi Imomýddın Sattorov ortalyqtyń iske qosylýy BUU Bas Assambleıasynyń Ortalyq Azııanyń turaqty damýyndaǵy jasandy ıntellektiniń róli týraly qararyn júzege asyrýǵa kómektesetinin atap ótti. Qujat 2025 jyldyń shildesinde Tájikstan prezıdenti Emomalı Rahmonnyń bastamasymen qabyldandy.
Jasandy ıntellekt keńesiniń tóraǵasy Azızdjon Azımı ortalyqtyń damý jospary týraly aıtty.
NVIDIA-men yntymaqtastyq jasandy ıntellekt mamandaryn oqytýǵa jáne ónerkásipte fızıkalyq jasandy ıntellekt (Physical AI) tehnologııalaryn engizýge baǵyttalǵan. Hab ýnıversıtetterdi, ázirleýshilerdi, startaptardy jáne ónerkásiptik kásiporyndardy jasandy ıntellektti oqytý, zertteý jáne praktıkalyq qoldaný úshin biriktiredi.
Ortalyqty Area AI konsortsıýmynyń negizin qalaýshy múshesi zehnlab.ai ázirleıdi jáne basqarady. Instıtýtsıonaldyq qoldaýdy Indýstrııa jáne saýda mınıstrligi janyndaǵy tıisti keńes kórsetedi.
Aıta keteıik, Tájikstan astanasyndaǵy barlyq kásiporynǵa kún batareıalary ornatylmaq.
