Tájikstan NAN balalar taǵamyn satýdy toqtatty

ASTANA.KAZINFORM — Tájikstanda NAN brendimen Nestlé balalar taǵamyn satýǵa jáne paıdalanýǵa tyıym salyndy, dep habarlaıdy NIAT Khovar.  

Tájikstan Respýblıkasynyń Standarttaý, metrologııa, sertıfıkattaý jáne saýda ınspektsııasy agenttiginiń málimeti boıynsha, atalǵan ónimder normatıvtik talaptarǵa sáıkes kelmeıdi. Sondyqtan olardy satý toqtatyldy jáne ónim keri qaıtarylyp alynýy múmkin.

Azamattarǵa ónimderdi paıdalanbaýǵa, al eger satyp alǵan bolsa, satyp alǵan jerine qaıtarýǵa keńes beriledi.

Importtaýshy kompanııa ókilderimen birlesip jumys isteıtin Tájikstanstan saýda ınspektsııasynyń qyzmetkerleri qazirgi ýaqytta qajetti sharalardy qabyldap jatyr.

Buǵan deıin Nestlé kompanııasynyń Qazaqstanda balalar taǵamynyń shekteýli mólsherin keri qaıtaryp alatyny habarlanǵan bolatyn.

Sonymen qatar Nestlé álem boıynsha 16 myń jumys ornyn qysqartpaqshy.