Tájikstan men Qyrǵyzstan aýdandary jappaı elektr qýatynsyz qaldy
ASTANA.KAZINFORM — 14 tamyz kúni Tájikstannyń birneshe qalalary men aýdandary, sondaı-aq Bishkektiń birneshe aýdany jappaı elektr qýatynsyz qaldy.
Tájikstannyń Energetıka jáne sý resýrstary mınıstrligi oǵan Nýrek sý elektr stantsııasyndaǵy agregattardyń joǵary júktemege shydamaı toqtap qalýy sebep bolýy múmkin deıdi.
Alaıda, bul aqparat áli resmı túrde rastalǵan joq.
Derekkóz málimetinshe, máseleni sheshý úshin jedel shtab quryldy. Mamandar elektr qýatynyń sóný sebebin tekserip, qalpyna keltirý jumystaryn júrgizip jatyr.
Bishkek qalasynyń, sondaı-aq Chýı jáne Ystyqkól oblystaryndaǵy birneshe aýyl turǵyndary da jaryqsyz qalǵanyn aıtyp, elektr qýatynyń toqtaǵanyna shaǵymdandy.
Economist.kg málimetinshe, elektr qýatyn tolyq qalpyna keltirý merzimi áli belgisiz.
Esterińizge sala keteıik, búgin Almatynyń tórt aýdanynda jáne Almaty oblysynyń 10 aýdanynda elektr qýaty óshirildi.
Almatyda jaryq óshýine baılanysty 9 baldyq keptelis paıda boldy.
