Tájikstan men Iran arasynda vızasyz rejım tolyq kúshine endi
ASTANA. KAZINFORM — 2026 jylǵy 5 qazannan bastap Tájikstan Respýblıkasy Úkimeti men Iran Islam Respýblıkasy Úkimeti arasynda jalpyazamattyq sheteldik pasport ıelerine vıza berýdi joıý týraly ózara túsinistik týraly memorandýmnyń erejeleri tolyq kúshine endi, dep jazady Hovar.
Bul týraly Tájikstannyń Syrtqy ister mınıstrligi habarlady.
Memorandým talaptaryna sáıkes, Tájikstan men Iran azamattary jaramdy jalpyazamattyq sheteldik pasporttary bolsa, ekinshi eldiń aýmaǵyna vızasyz kirip, onyń aýmaǵy arqyly ótip nemese ýaqytsha bola alady. Vızasyz bolý merzimi 90 kún ishinde 30 kúnnen aspaýǵa tıis.
Vızasyz rejım halyqaralyq shekara beketteri arqyly, sonyń ishinde qurlyqtaǵy ótkizý pýnktteri, halyqaralyq áýejaılar jáne úshinshi elderden qatynaıtyn áýe baǵyttary arqyly júzege asyrylady.
Mınıstrliktiń málimetinshe, bul rette eki eldiń de ulttyq zańnamasynyń talaptary saqtalýy kerek.
Buǵan deıin Tájikstan táýelsizdiginiń 35 jyldyǵyna oraı áskerı sherý ótkizgenin jazǵan bolatynbyz.
