Tájikstan men Aýǵanstan shekarasynda jer silkindi
ASTANA. KAZINFORM — 17 qarashada Tájikstan men Aýǵanstan shekarasyna jaqyn aýmaqta magnıtýdasy 4,2 bolatyn jer silkinisi tirkeldi. Bul týraly Qazaqstannyń Ulttyq derekter ortalyǵy habarlady.
Qazaqstan Respýblıkasy Ulttyq ıadrolyq ortalyǵy Geofızıkalyq zertteýler ınstıtýty Derekter ortalyǵynyń jedel málimetine sáıkes, jer asty dúmpýleri Astana ýaqytymen saǵat 19:59-da (Grınvıch ýaqyty boıynsha 14:59) bolǵan.
Jer silkinisiniń epıtsentri soltústik endiktiń 37,51 gradýsy men shyǵys boılyqtyń 71,08 gradýsy aralyǵynda ornalasqan.
Jer silkinisiniń magnıtýdasy 4,2, energetıkalyq klasy 10,2 boldy.
Aıta keteıik, buǵan deıin Perý jaǵalaýynda magnıtýdasy 5,2 bolatyn jer silkinisi tirkelgen edi.