Tájikstan Qytaı azamattary úshin vızasyz rejım engizbek

ASTANA. KAZINFORM – Bul týraly baspasóz máslıhatynda Tájikstannyń Týrızmdi damytý komıtetiniń tóraǵasy Djamshed Djýmahonzoda málimdedi, dep habarlaıdy Kazinform menshikti tilshisi.

Onyń atap ótýinshe, bul másele qazirgi ýaqytta qarastyrylyp jatyr. Oń sheshim eldegi týrızm ındýstrııasynyń damýyna, sondaı-aq jarnamalyq jáne aqparattyq jumystardyń artýyna yqpal etedi. 

- Tájikstan úshin negizgi týrızm naryqtary – arab elderi, Anglııa, Germanııa, Frantsııa, Reseı, Qytaı jáne Ońtústik Koreıa, bul elderdiń azamattary demalys pen saıahatqa kóbirek qyzyǵýshylyq tanytyp otyr, - dedi Djýmahonzoda.

Buǵan deıin habarlaǵanymyzdaı, 2025 jyly Tájikstanǵa 1,7 mıllıonnan astam týrıst kelgen. Bul kórsetkish ótken jylmen salystyrǵanda shamamen 25 paıyzǵa joǵary.

Tájikstanǵa barǵan qazaqstandyq týrıster sany 37 myńnan asady.