Tájikstan keńselerinde mindetti dene shynyqtyrý jattyǵýlary engizildi
ASTANA. KAZINFORM — Tájikstanda barlyq mekeme men uıymnyń qyzmetkerleri úshin zańmen mindetti dene shynyqtyrý jattyǵýlary engizildi. 17 maýsymda Respýblıka Prezıdenti Tájikstannyń Densaýlyq saqtaý kodeksine tıisti túzetýler engizdi, dep habarlaıdy Kazinform agenttiginiń Dýshanbedegi tilshisi.
Qabyldanǵan túzetýlerge sáıkes, barlyq memlekettik jáne jekemenshik mekemelerdiń qyzmetkerleri kúnine keminde 20 mınýt dene shynyqtyrý jattyǵýlarymen aınalysýy kerek.
Bul ózgeris semizdik pen qant dıabetiniń aldyn alýǵa jáne densaýlyqty nyǵaıtýǵa baǵyttalǵan.
Atalǵan talap barlyq uıymdarǵa qoldanylady jáne basshylar oǵan jaýapty.
Ákimshilik qyzmetkerlerdiń dene shynyqtyrýmen aınalysýyna jáne mundaı is-sharalarǵa jeke qatysýyna jaǵdaı jasaýǵa mindetti.
Bul talapty oryndamaý tártiptik jaza men sógisterdi qosa alǵanda, aıyppuldarǵa ákep soǵady.
Osyǵan deıin Tájikstanda Táýelsizdiktiń 35 jyldyǵyna oraı aýqymdy raqymshylyq jarııalanǵanyn jazdyq.
