Tájikstan Qazaqstannan qansha benzın alýy múmkin

ASTANA. KAZINFORM — Búgin Úkimet otyrysynan keıingi baspasóz máslıhatynda Energetıka mınıstri Erlan Aqkenjenov Qazaqstannan Tájikstanǵa eksporttalatyn benzınge qatysty túsinik berdi.

Kakıe tseny ýstanovılıs na benzın, dızel ı avtogaz v Kazahstane
Foto: freepik

- Tájikstan Prezıdenti Emomalı Rahmonnyń Qazaqstanǵa sapary barysynda eki eldiń energetıka mınıstrlikteri arasynda Tájikstan Respýblıkasyna munaı ónimderin jetkizý týraly kelisimge qol qoıyldy. Energetıka mınıstrligi qarasha aıyna arnalǵan josparda 20 000 tonna AI-92 benzınin jetkizý múmkindigin engizdi, - dedi Erlan Aqkenjenov.

Onyń aıtýynsha, endi eki eldiń tıisti kommertsııalyq qurylymdary logıstıka máselelerin naqtylap, satý baǵalaryn belgileý arqyly kelisimshartty egjeı-tegjeıli pysyqtaıtyn bolady.

Buǵan deıin habarlanǵandaı, Qazaqstan men Tájikstan saýda aınalymyn arttyrý, energetıka, ónerkásip, aýyl sharýashylyǵy, tsıfrlandyrý jáne JI salalaryndaǵy yntymaqtastyqty keńeıtedi. Jaqynda Aqordada ótken joǵary deńgeıdegi kelissózder qorytyndysy boıynsha eki eldiń resmı delegatsııalary úkimetaralyq jáne vedomstvoaralyq deńgeıde 14 qujatqa qol qoıdy.

Sonyń arasynda Qazaqstan Respýblıkasy Energetıka mınıstrligi men Tájikstan Respýblıkasy Energetıka jáne sý resýrstary mınıstrligi arasyndaǵy munaı ónimderin jetkizý salasyndaǵy yntymaqtastyq týraly negizdemelik kelisim bar.

Sonymen qatar Qazaqstan munaı óńdeý kólemin arttyrýdy jáne shıki munaı óndirý men daıyn ónim shyǵarý boıynsha qazirgi araqatynasty birtindep ózgertýdi kózdep otyr.