Tájikstan Qazaqstanmen teńge men tájik rýbli týraly kelisimniń kúshin joıdy
ASTANA. KAZINFORM — Tájikstan teńge men tájik rýbliniń ózara aıyrbastalýy týraly Qazaqstanmen jasalǵan kelisimniń kúshin joıdy, dep habarlaıdy Kazinform agenttiginiń Dýshanbedegi menshikti tilshisi.
2026 jyldyń 30 maýsymynda Tájikstan Respýblıkasynyń Úkimeti «Tájikstan Respýblıkasynyń Úkimeti, Tájikstan Ulttyq banki jáne Qazaqstan Respýblıkasynyń Úkimeti, Qazaqstan Respýblıkasynyń Ulttyq banki arasyndaǵy 1999 jylǵy 16 jeltoqsandaǵy tájik rýbli men qazaqstandyq teńgeniń aıyrbas baǵamdarynyń ózara aıyrbastalýyn jáne turaqtalýyn qamtamasyz etý sharalary týraly kelisimdi jaramsyz dep taný týraly» qaýly qabyldady.
Sheshim tek resmı sıpatqa ıe: tájik rýbli 2000 jyly somonımen aýystyrylǵan kezde joıyldy. Qazaqstan kelisimnen 2024 jyldyń mamyr aıynda bas tartty.
Tájik rýbli táýelsiz Tájikstannyń alǵashqy ulttyq valıýtasy boldy. Ol 1995 jyly 10 mamyrda aınalymǵa engizildi. 2000 jyldyń 30 qazanynda onyń ornyna respýblıkanyń jańa ulttyq valıýtasy, alǵashqy tájik memleketiniń negizin qalaýshy Ismaıl Somonıdiń esimimen atalǵan somonı engizildi.
Aıta ketelik Aýǵanstan tarapynan atylǵan oqtan Tájikstan azamatshasy qaza tapty.
