Tájikstan halqynyń demografııalyq ósimi 2 paıyzǵa jetti

ASTANA. KAZINFORM — Tájikstan halqynyń sany 2026 jyldyń 1 qańtaryndaǵy jaǵdaı boıynsha 2 paıyzǵa ósip, 10,721 mln adamdy qurady, dep habarlaıdy Kazinform-nyń Dýshanbedegi menshikti tilshisi. 

TR Statıstıka agenttiginiń málimetinshe, týý, ólim jáne kóshi-qon tirkeýin eskergende 2025 jyly halyq sanynyń ósimi 215 myń adam shamasynda boldy.

Azamattyq hal aktilerin tirkeý organdary 255 100 jańa týǵan náresteni tirkedi, bul ótken jylmen salystyrǵanda 1 paıyzǵa kóp.

Týý kórsetkishteri Taýly Badahshan avtonomııalyq oblysynan (onda bul kórsetkish 0,2 paıyzǵa tómendedi) basqa eldiń barlyq aımaǵynda tirkeldi. 

Sonymen birge tirkelgen ólim sanynyń artýy baıqaldy, ol 34 400 adamdy quraǵan, bul 2024 jylmen salystyrǵanda 4,1%-ǵa kóp. Mıgratsııa aǵyny jyl ishinde 1,7%-ǵa ósip, 8 429 adamǵa jetti.

Halyq tyǵyz ornalasqan aımaqtar — Hatlon (3,8 mln) jáne Soǵdy (2,9 mln) oblystary, onda halyqtyń sáıkesinshe 36,2%-y jáne 28,1%-y mekendeıdi. Halyqtyń 21,5%-y (2,3 mln) respýblıkalyq baǵynysty aýdandarda, 2,2%-y (0,23 mln) TBAA-da jáne 12%-y (1,29 mln) el astanasynda turady.

Osyǵan deıin Tájikstanda altyn quımalaryn satatyn bankomattar ornatylatynyn habarladyq.