Tájikstan halqyna «Shahnamanyń» jańa basylymy tegin taratylady

ASTANA. KAZINFORM — Jergilikti bılik Tájikstannyń Taýly Badahshan avtonomııalyq oblysynyń turǵyndaryna Ábilqasym Fırdaýsıdiń «Shahnama» dastanynyń eki tomdyq basylymyn tegin taratty, dep habarlaıdy Asia-Plus. 

Ár otbasyna árqaısysy 1200 betten turatyn eki tomdyq kitap beriledi.

Tájikstan Mádenıet mınıstrliginiń baspalapr bólimi «Shahnama» dastany 2026 jylǵa deıin jetkilikti taralymmen basylyp, barlyq oblys turǵyndaryna taratylatynyn habarlady.

«Shahnama» Tájikstan prezıdentiniń rezervtik qory esebinen shyǵarylyp jatqany atap ótildi.

Kitaptyń alǵysózinde aıtylǵandaı, ony Emomalı Rahmon memleket táýelsizdiginiń 35 jyldyǵyna oraı usynǵan.

«Shahnama» kitabyn basyp shyǵaryp, el turǵyndaryna tegin taratý týraly buıryqty Tájikstan prezıdenti 2023 jyly jeltoqsanda akademık Babajan Ǵafýrovtyń týǵanyna 115 jyl tolýyna arnalǵan halyqaralyq sımpozıýmda bergen.

Tájik poezııasynyń klassıgi Ábilqasym Fırdaýsı óziniń «Shahnama» epıkalyq dastanyn 30 jyldan astam ýaqyt ishinde jazǵan. Bul shyǵarma álem ádebıetindegi eń uly dastandardyń biri sanalady.

Redaktsııadan: Turmaǵambet Іztileýuly 1936 jyly Á.Fırdoýsıdiń «Shahnamasyn» qazaq tiline erkin aýdarma jasady. Bul shyǵarmany M.Áýezov, S.Seıfýllın, T.Júrgenov, t.b. joǵary baǵalaǵan. Týyndynyń «Rústem-Dastan» atalatyn bólimi 1961 jyly, «Shahnama. Rústem-Dastan» degen atpen tolyqtyrylǵan nusqasy 2004 jyly jaryq kórgen.

Eske sala keteıik, Tájikstan qazaqstandyqtarǵa 100 bilim grantyn bóldi.