Tájikstan gıdroenergetıka resýrstaryn ShYU seriktesterimen birlesip ıgerýge daıyn — Emomalı Rahmon
ASTANA. KAZINFORM — Tájikstan gıdroenergetıkalyq resýrstaryn ShYU seriktesterimen birlesip ıgerýge daıyn. Bul týraly elordadaǵy Táýelsizdik saraıynda ótken Shanhaı yntymaqtastyq uıymy sammıti aıasyndaǵy «ShYU+» kezdesýinde Tájikstan Prezıdenti Emomalı Rahmon aıtty.
Onyń atap ótýinshe, Tájikstannyń «ShYU otbasy» elderimen taýar aınalymy údemeli túrde ósip keledi.
Osy rette ol atalǵan eldermen joǵary tehnologııalar, ınnovatsııa jáne jasandy ıntellekt salasyndaǵy birlesken jobalardy baqylaýshy memleketter men seriktesterdiń áleýetin tarta otyryp naqty iske asyrýdy usyndy.
Sondaı-aq ShYU Іskerlik keńesi men ShYU Bankaralyq birlestiginiń qyzmetine baqylaýshy memleketter men dıalog boıynsha seriktesterdi belsendi tartý qajettigin atap ótti.
Emomalı Rahmon «ShYU otbasy» elderin 2014 jyly Dýshanbede qol qoıylǵan halyqaralyq avtomobıl tasymaly úshin qolaıly jaǵdaı jasaý týraly kelisimge qosylýǵa, kólik jáne energetıka salalaryndaǵy yntymaqtastyq áleýetin tıimdirek paıdalanýǵa shaqyrdy.
Munan bólek, ol Tájikstanda gıdroenergetıka resýrstarynyń mol qory bar ekenin atap óte kele ShYU seriktesterimen olardy birlesip ıgerý boıynsha aýqymdy yntymaqtastyqqa daıyn ekenin málimdedi.
