Tájikstan basshysy tájik-aýǵan shekarasynda qaýipsizdik sharalaryn kúsheıtýdi tapsyrdy

ASTANA. KAZINFORM — Emomalı Rahmon Aýǵanstanmen shekaradaǵy jaǵdaıdyń shıelenisýine baılanysty qaýipsizdik jáne quqyq qorǵaý organdarynyń basshylarymen kezdesý ótkizdi, dep habarlaıdy Kazinform agenttiginiń menshikti tilshisi.

Sheneýnikterdiń habarlaýynsha, sońǵy aptada Aýǵanstan tarapynan Tájikstanǵa eki ret oq atyldy, saldarynan bes adam qaza taýyp, taǵy bes adam jaraqat aldy.

— Memleket basshysy Emomalı Rahmon Aýǵanstan azamattarynyń zańsyz jáne arandatýshylyq áreketterin qatań aıyptap, jaýaptylarǵa jaǵdaıdy sheshý jáne mundaı oqıǵalardyń qaıtalanýyna jol bermeý úshin tıimdi sharalar qabyldaýdy tapsyrdy, — dep habarlady Tájikstan prezıdentiniń baspasóz qyzmeti.

Esterińizge sala keteıik, 2025 jyldyń 26 ​​qarashasyna qaraǵan túni Hatlon oblysyndaǵy «El» shekara otrıadynyń jaýapty aımaǵynda ornalasqan «Shohın SM» altyn óndirý zaýyty qyzmetkerleriniń bazasyna Aýǵanstannan qarýly shabýyl jasaldy. Shabýyl atys qarýy men granatalarmen jabdyqtalǵan pılotsyz ushý apparatyn qoldaný arqyly júzege asyryldy.

Aldyńǵy jeksenbide Hatlon oblysynyń Darvaza aýdanynda qarýly adamdardyń shabýyly kezinde eki qytaılyq jol jumysshysy qaza tapty. Shabýyl aýǵan tarapynan jasalǵan dep habarlandy.