Tájikstan astanasynda skýter men elektrli samokattarǵa tyıym salyndy

ASTANA. KAZINFORM – Dýshanbede 2030 jylǵa deıin elektrli samokat pen skýterler jáne basqa da jeke kólikterdi paıdalanýǵa tyıym salyndy, dep habarlaıdy Kazinform agenttiginiń menshikti tilshisi. 

Tıisti sheshim Dýshanbe qalalyq keńesiniń qaýlysymen qabyldandy.

– Bul sheshim elektr samokattary men skýterlerdi paıdalanýdy retteý, olardyń qatysýymen bolatyn jol-kólik oqıǵalarynyń sanyn azaıtý, kólik jáne jaıaý júrginshiler qozǵalysyna kedergi keltirmeý, barlyq jol qozǵalysyna qatysýshylardyń quqyqtary men múddelerin qorǵaý maqsatynda qabyldandy, - dep túsindirdi qala ákimdigi. 

Vedomstvo mundaı kólikterdi qaýipsiz paıdalaný úshin qajetti ınfraqurylym jasalǵanǵa deıin shekteý kúshinde bolatynyn qosa aıtty.