Tájikstan áskerı dárigerler daıyndaýǵa kiristi

ASTANA.KAZINFORM - Tájikstannyń Abýalı ıbn Sına atyndaǵy memlekettik medıtsınalyq ýnıversıtetinde áskerı dárigerlerdi daıarlaıtyn jańa fakýltet ashyldy, dep habarlaıdy Kazinform agenttiginiń menshikti tilshisi.

- Qyrkúıek aıynan bastap Ulttyq testileý ortalyǵy arqyly fakýltetke 100 úmitker - 80 ul jáne 20 qyz qabyldana alady. Oqý aqysy sýbsıdııalanady,- dep habarlady oqý ornynyń rektory Mýhıddın Nýrıddın baspasóz máslıhatynda.

Ol bul mamandyqty alyp shyqqandar áskerı jáne quqyq qorǵaý organdarynda jumysqa ornalasa alatynyn aıtty.

Rektor sonymen qatar fakýltettiń ashylýy áskerı medıtsınalyq qoldaýdaǵy kadr tapshylyǵyn toltyrýǵa arnalǵanyn jáne eldiń densaýlyq saqtaý salasyn damytýdaǵy mańyzdy qadam ekenin atap ótti.

Buǵan deıin túrik ýnıversıtetteri oqý merzimin úsh jylǵa qysqartýy múmkin ekenin habarlaǵan edik.