Tájikstan 2037 jylǵa qaraı tolyǵymen «jasyl» elge aınalýdy josparlap otyr
ASTANA. KAZINFORM — Tájikstan 2037 jylǵa qaraı tolyq «jasyl» respýblıka mártebesine jetýdi josparlap otyr, dep habarlaıdy Tájikstan Respýblıkasy Energetıka mınıstrliginiń baspasóz qyzmeti.
Bul týraly respýblıkanyń Energetıka jáne sý resýrstary mınıstri Daler Djýma Kazakhstan Energy Week-2025 sharasy aıasynda ótken Jańartylatyn energııa kózderi halyqaralyq agenttiginiń (IRENA) dóńgelek ústel otyrysynda málimdedi.
Ol respýblıka óziniń uzaq merzimdi damý strategııasyna sáıkes 2032 jylǵa qaraı jańartylatyn energııa kózderine tolyǵymen kóshýdi josparlap otyrǵanyn atap ótti. Búginde eldegi elektr energııasynyń shamamen 98 paıyzy sý elektr stantsııalarynda óndirilip jatyr.
— Sonyń arqasynda Tájikstan kómirqyshqyl gazyn shyǵaratyn elderdiń qataryna kirip otyr. Tájikstannyń uzaq merzimdi maqsaty — 2037 jylǵa qaraı tolyǵymen «jasyl» el mártebesine jetý, — dep atap ótti Djýma.
Buǵan deıin Ortalyq Azııa elderi 2015-2024 jyldary «jasyl» energetıkaǵa kóshýde birshama tabysqa jetkeni týraly habarlanǵan bolatyn, biraq energetıka sektory negizinen «qyzyl» kúıde qalyp otyr.
Qazaqstandyqtar jasyl energetıka salasynda qandaı patentter tirkegenin myna materıaldan oqı alasyz.