Tájik-aýǵan shekarasyndaǵy qarýly shabýyl: úsh sheteldik azamat qaza tapty
ASTANA. KAZINFORM – Tájikstannyń ońtústiginde Aýǵanstan aýmaǵynan jasalǵan qarýly shabýyl saldarynan Qytaıdyń úsh azamaty qaza tapty, dep habarlaıdy Kazinform tilshisi.
Tájikstan SІM málimetinshe, 2025 jyldyń 26 qarashasyna qaraǵan túni Hatlon oblysyndaǵy «El» shekara jasaǵynyń jaýapty aımaǵynda ornalasqan «Shohın SM» JShS qyzmetkerleriniń bazasyna Aýǵanstan aýmaǵynan qarýly shabýyl jasalǵan.
Shabýyl atys qarýy men granatalarmen jabdyqtalǵan ushqyshsyz ushý apparatyn qoldaný arqyly júzege asyrylǵan.
- Tájik tarapynyń Tájikstan men Aýǵanstannyń shekaralas aımaqtarynda qaýipsizdikti qamtamasyz etý jáne ózara tıimdi yntymaqtastyq atmosferasyn qalyptastyrý boıynsha úzdiksiz kúsh-jigerine qaramastan, kórshiles memlekette ornalasqan qylmystyq toptardyń áreketteri shekara boıyndaǵy jaǵdaıdy turaqsyzdandyrýyn jalǵastyryp jatyr, - dep habarlady SІM.
Buǵan deıin Pákistannyń Aýǵanstan aýmaǵyna jasaǵan shabýylynan ondaǵan adam qaza tapqanyn habarlaǵan bolatynbyz.
Atbasarda tájik-aýǵan shekarasynda qaza tapqan 17 jaýyngerge arnalǵan memorıal ashylǵanyn jazǵan edik.