Tájik-aýǵan shekarasynda tórt jańa shekara beketi ashyldy
ASTANA. KAZINFORM – Tájikstan prezıdenti Emomalı Rahmon Qorǵanys mınıstrligine baryp, Aýǵanstanmen shekaradaǵy tórt shekara beketin qashyqtan ashty, dep habarlaıdy Kazinform menshikti tilshisi.
Tájikstan basshysy baspasóz qyzmetiniń habarlaýynsha, shekara beketteri Aýǵanstanmen memlekettik shekaranyń osy bıik taýly jáne qıyn ýchaskesinde alǵash ret salyndy. Olardyń úzdiksiz jumys isteýin qamtamasyz etý úshin 70 shaqyrymnan astam sozylyp jatqan jańa avtomobıl joly, sondaı-aq basqa da qosalqy ınfraqurylymdar salyndy.
Vedomstvo keıingi eki-úsh jylda 80 jańa shekara beketi salynyp, tehnıka men jabdyqtar, sondaı-aq barlyq áskerı, qyzmettik jáne turmystyq zattarmen jabdyqtalǵanyn qosyp ótti.
Qyzmet kórsetý úshin qajetti jaǵdaılar, sonyń ishinde sarbazdarǵa arnalǵan kazarmalar, ashanalar, monshalar, jylytý júıeleri jáne jattyǵý alańdaryn jasaýmen qatar ofıtserler men olardyń otbasylary úshin bólek turǵyn úıler salyndy.
Tájikstan basshysy buǵan deıin tájik-aýǵan shekarasynda qaýipsizdik sharalaryn kúsheıtýdi tapsyrǵanyn jazdyq.