Tájirıbeden ótip júrgen qyzmetker túrmege uıaly telefon alyp ótpek bolǵan
ASTANA. 21 qańtar. QazAqparat /Ǵalymjan Hasenov/- Almatynyń qylmystyq-atqarý júıesiniń túzetý mekemeleriniń birinde sottalýshyǵa uıaly telefon alyp ótpek bolǵan qyzmetker ustaldy,
dep habarlady Qylmystyq-atqarý júıesi komıtetiniń baspasóz qyzmetinen.
Jaqynda ǵana áskerden kelgen jáne ádilet organyna jumysqa turý úshin tájirıbeden ótip jatqan 20 jastaǵy álgi jigit rejimdik nysanǵa uıaly telefon alyp ótpek bolǵan. Tyıym salynǵan zatty mekemeniń tájirıbeli qyzmetkerleri baqylaý-ótkizý beketinde tekserý kezinde tapqan.
"Qylmystyq-atqarý júıesine qyzmetke kadrlardy irikteý talaptary óte joǵary. Sondyqtan da, álgideı áreketinen keıin, «bizdiń batyr» qyzmetke alyna qoımaıdy", - deıdi komıtettegiler.
