Tájirıbe men psıhologııalyq daıyndyq - Olımpıadada jaqsy nátıjege qol jetkizýdiń kepili - kúmis júldeger N. Altybaı
ALMATY. QazAqparat - Tájirıbe men psıhologııalyq daıyndyq ınformatıka sekildi pándik Olımpıadalarda jaqsy nátıjege qol jetkizýdiń kepili.
Bul týraly «QazAqparat» tilshisine Almatyda ınformatıkadan ótken XXVII halyqaralyq Olımpıadanyń kúmis júldegeri Nazarbek Altybaı málimdedi.
«Mysaly, álemde ınformatıkadan óte bilimdi jastar bar. Biz olardy ınternet arqyly bilip otyramyz. Biraq solardyń keıbiri olımpıadalarda ózderin kórete almaıdy. Óıtkeni qatty qobaljıdy, sóıtip bilgenderin umytyp qalady. Sondyqtan mundaı halyqaralyq dárejedegi namys dodalarynda psıhologııalyq turǵydapn daıyn bolý qajet. Mysaly, osy jarysta tórtinshi oryn alǵan qytaılyq ıÝhao Dý óte bilimdi jigit. Bizde ınternette de olımpıadalar bolyp turady ǵoı. Sonda ol bir saıtta stýdentter arasynda búkil álemdik reıtıng boıynsha tórtinshi orynǵa shyqqan. Sonyń osy saıysta birinshi emes, tórtinshi oryn alyp qalǵany meni qatty tań qaldyrdy. Qobaljyǵan shyǵar. Al ózime tájirıbe jetispedi», - dedi N. Altybaı.
Sondaı-aq, ol endi aldaǵy halyqaralyq jarystarǵa tyńǵylyqty daıyndalatyndyǵyn jetkizdi.
«Meniń jasym on altyda. Aqtóbe qalasyndaǵy Qazaq-túrik lıtseıiniń onynshy synybynda oqımyn. Endi buıyrtsa, aldaǵy jyly Reseıdiń Qazan qalasynda ótetin Olımpıadada altyn medal alýǵa kúsh salamyn. Buǵan osy bastan barynsha daıyndalamyn», - dedi N. Altybaı.
