Tájirıbe bizdiń Ata zańymyzdyń mazmuny tereń, múmkindigi mol ekenin aıqyn tanytty - Ǵylym ordasynyń Bas dırektory
Bul týraly búgin Almatyda ótip jatqan «Qazaqstan Respýblıkasynyń Konstıtýtsııasy - eldiń damýy men gúldenýiniń berik negizi» dep atalatyn ǵylymı-tájirıbelik konferentsııada aıtyldy.
«Ata zańymyz táýelsiz Qazaqstannyń qoǵamdyq jáne memlekettik qurylysynyń irgeli qaǵıdattaryn bekitip, demokratııalyq ınstıtýttardyń damyna myqty qýat berdi. Qoǵamdyq tatýlyq, saıası turaqtylyq búkil halyqtyń ıgiligin kózdeıtin ekonomıkalyq damý, qazaqstandyq patrıotızm jáne memleket ómiriniń asa mańyzdy máselelerin demokratııalyq ádistermen sheshý respýblıka qyzmetiniń túbegeıli prıntsıpteri bolyp bekitildi», - deıdi konferentsııany uıymdastyrǵan Ǵylym ordasynyń bas dırektory Roza Káripjanova. Onyń aıtýynsha, bul sharanyń basty maqsaty Konstıýtsııa kúniniń qoǵamdyq mańyzdylyǵyn arttyrý, qoǵamda Ata zańdy dáripteý dástúrin nyǵaıtyp, óskeleń urpaqty konstıtýtsııalyq qurylymdy qurmetteý rýhynda tárbıeleý. Oǵan fılosofııa, zań, ekonomıka salasyndaǵy jetekshi ǵalymdar men ǵylymı-zertteý ınstıýttarynyń qyzmetkerleri men atqarý organdarynyń ókilderi qatysýda.