Tájikstannyń vıtse-premeri SES-ti aralaý saparynda qaıtys boldy
ASTANA. 3 tamyz. QazAqparat - Tájikstannyń birinshi vıtse-premeri Asadýllo Gýlomov Rogýn Sý elektr stansasyna jasaǵan jumys sapary barysynda qaıtys boldy. Ol 57 jasta edi, dep habarlaıdy Bı-Bı-Sı agenttigi.
«Onyń júregi toqtap qalǵan», - dep habarlaıdy Interfaks agenttigi Tájikstan úkimetindegi derekkózdiń sózin keltirip.
Rogýn sý elektr stansysy el astanasy - Dýshanbe qalasynyń ońtústik-shyǵysynan 110 shaqyrym jerde ornalasqan.
