Tájikstannyń Qytaıǵa qaryzy eldiń ІJÓ-niń 0,15 paıyzyn quraıdy
BEIJІŃ. QazAqparat - Tájikstannyń Qytaıǵa nesıelik qaryzy ishki jalpy óniminiń 0,15 paıyzyn quraıdy. Bul týraly QHR-daǵy Tájikstan Respýblıkasynyń Tótenshe jáne ókiletti elshisi Rashıd Alımov málimdedi.
Onyń aıtýynsha, Tájikistan úkimetiniń 2015 jylǵy 1 qańtardaǵy derekteri boıynsha, memleket qaryzy 1 mıllıard 865 mln. dollar nemese ІJÓ-niń 20,2 paıyzyn quraıdy. Qytaıdan alǵan nesıe qaryzy ishki jalpy ónimniń 0,15 paıyzyn quraıdy.
«Qytaı úkimetine Tájikstanǵa óteýsiz kómek kórsetkeni úshin alǵys bildiremiz jáne bul qarajat ınfraqurylymdar men áleýmettik nysandar qurylysyna baǵyttalǵan», - dep atap ótti ol.
Ol qytaı kapıtaly men kásiporyndary Tájikstan Prezıdenti Emomalı Rahmon aıqyndaǵan úsh strategııalyq maqsatqa qol jetkizý boıynsha aýqymdy jumysqa belsendi qatysyp jatqanyn atap ótti. Oǵan kommýnıkatsııalyq tuıyqtan shyǵý, energetıkalyq táýelsizdik, azyq-túlik qaýipsizdigi jatady. «Tájikstandyq áriptestermen birlesip qytaı kompanııalary ınfraqurylymdyq nysandar, joldar men kópirler salýǵa qatysady, maqta, astyq, júgeriden joǵary ónim alý úshin tájirıbelerimen, jańa tehnologııalarymen bólisip jatyr», - dep túıindedi ol.
