Tájikstannyń Hýdjand qalasynda jarylys boldy
ASTANA. Qyrkúıektiń 4-i. QazAqparat - Keshe Hýdjand qalasyndaǵy (Tájikstan, Sogdıı oblysy) uıymdasqan qylmyspen kúres bóliminiń ǵımaratynda jarylys boldy,
dep habarlaıdy Lenta.rý agenttigi.
Jarylys ǵımarattyń ishinde bolǵan. Jarylys kúshi 500 metr aýmaqty qamtyp, mańyndaǵy úıler men kólikterdiń terezeleri synǵan. Órtti sóndirýge órt sóndirý qyzmetiniń tórt kóligi jumyldyrylǵan. Oqıǵa ornynda jaralanǵandardy birneshe jedel járdem kólikteri aýrýhanaǵa alyp ketken, dep habarlaǵan "AziaPlus" AA.
Qazirgi ýaqytta qoparylǵan qandaı jarylǵysh zat ekendigi jáne onyń kúshi anyqtalýda. Oqıǵa ornynda oblystyń kúsh-qýat qurylymdarynyń barlyq basshylary jumys isteýde.
Tájikstannyń ІІM shtab bastyǵy Tahır Normatovtyń jýrnalısterge habarlaýynsha, AUQKB kólikpen basa kóktep kirgen lańkes ózin ózi jaryp jibergen.
Sogdıı oblysynyń ІІB jedel izdestirý tobynyń málimetterine súıensek, oqıǵa bolǵan jerden GAZ-24 kóligi men lańkestiń denesiniń qaldyqtary tabylǵan. Ǵımarattyń oń jaq qanaty túgeldeı qıraǵan.
Qaıtys bolǵandar bar, biraq olardyń sany áli belgisiz.
