Tájikstannyń birinshi prezıdenti qaıtys boldy
ASTANA. QazAqparat - Tájikstannyń birinshi prezıdenti Kahhor Mahkamov 85 jasqa qaraǵan shaǵynda qaıtys boldy. Dárigerlerdiń málimetterinshe, ol uzaq ýaqytqa sozylǵan dertten kóz jumdy. Mahkamov Tájikstan parlamentiniń ómir boıy múshesi bolǵan.
RIA Novostı agenttiginiń habarlaýynsha, Tájikstan Respýblıkasy birinshi prezıdentin jerleý rásimi 9 maýsymda ótedi.
Tájikstan KSR Joǵarǵy Keńesi Kahhor Mahkamovty 1990 jyldyń qazan aıynda, elde prezıdenttik ınstıtýty engizilgen shaqta prezıdent bolyp saılandy. 1991 jyldyń qarashasynda búkilhalyqtyq daýys berý barysynda el prezıdenti bolyp Rahmon Nábıev saılandy. 80-shi jyldary Mahkamov Tájikstan KSR mınıstrler keńesiniń tóraǵasy jáne respýblıka Kompartııasy OK-niń birinshi hatshysy qyzmetinde boldy.
