Tájikstannyń arnaıy qyzmetteri bı keshindegi jarylysty lańkestik áreket dep sanaıdy
ASTANA. Qyrkúıektiń 6-sy. QazAqparat - Tájikstannyń Ulttyq qaýipsizdik komıteti búgin túnde Dýshanbede bı keshinde bolǵan jarylysty lańkestik áreket dep qarastyryp otyr. Bul týraly ITAR-TASS agenttigi tájiktiń arnaıy qyzmetterine silteme jasap habarlap otyr.
Shaǵyn qýatty tútinsiz qurylǵynyń jarylýy saldarynan, sońǵy málimetter boıynsha, jeti adam zardap shekken, olardyń ekeýiniń jaǵdaıy - óte aýyr. Oqıǵanyń isi sýymaı, eki kúdikti ustalyp otyr. Keıbir derekter boıynsha, jarylysty musylmandardyń oraza aıy kezinde jumys istep jatqan oıyn-saýyq mekemelerine narazylyq bildirýshi jas dinı fanatıkterdiń uıymdastyrýy yqtımal.
Sarapshylar, halyqtyń 98 paıyzy ıslamdy ýaǵyzdaıtyn tájik qoǵamynda sońǵy ýaqytta oraza kezinde oıyn-saýyq mekemelerin jaýyp, spırttik ishimdikter satýǵa tyıym salý týraly úndeýlerdiń jıi aıtylyp jatqanyna nazar aýdaryp otyr.
