Tájikstannyń 3 azamatyna qatysty kóshi-qon kartochkalary men ýaqytsha tirkeý paraqtaryn qoldan jasady degen kúdik keltirilip otyr
ASTANA. Aqpannyń 25-i. QazAqparat /Rýslan Ǵabbasov/ - Saýyqtyrý sharalary aıasynda Astana aýmaǵyndaǵy saıajaılardy tekserý kezinde kóshi-qon kartochkalary men ýaqytsha tirkeý paraqtaryn qoldan jasady degen kúdikpen Tájikstannyń 3 azamaty anyqtaldy. Bul týraly búgin ótken brıfıngte Astana qalasy ІІD Kóshi- qon basqarmasynyń bastyǵy Qusaıyn Sandybaev málim etti,
dep habarlaıdy QazAqparat.
«Qujattardy qoldan jasaǵany saraptamalyq jumys barysynda dáleldense, olarǵa qatysty qylmystyq is qozǵalady»,-dedi ol.
Q. Sandybaevtyń sózine qaraǵanda, atalǵan azamattardan elordadan ketpeý týraly qolhat alyndy.
Basqarma bastyǵynyń aıtýynsha, jalpy jyl basynan beri saıajaılar aýmaǵynda 8 qylmys jasalǵan. Onyń ekeýi elimizdiń basqa oblystarynan kelgen azamattarǵa qatysty, sondaı-aq bireýi anashamen ustalǵan Reseı azamaty.
