Tájikstannan ákelinen jańǵaq pen keptirilgen jemisterdi satýǵa tyıym salyndy - Reseı
ASTANA. Mamyrdyń 5-i. QazAqparat - Reseıdiń sanıtarlyq qyzmetine Tájikstannan ákelingen jańǵaqtar men keptirilgen jemisterdi dúkender men bazarlardan satylymnan alyp tastaý týraly tapsyrma berildi.
Tájikstanda qaterli ınfektsııalyq aýrý bolyp tabylatyn - polıomelıt oshaǵynyń tirkelýine baılanysty osyndaı qatań shara qabyldanyp otyr, dep habarlaıdy «Maıak» radıosy.
«Rospotrebnadzor» agenttiginiń basshysy Gennadıı Onışenko sondaı-aq tájik máýe-sháýelerine berilgen sanıtarlyq-epıdemıologııalyq qujattardyń kúshin ýaqytsha toqtata turýdy tapsyrdy.
«Qyzý saýda-sattyqty eskersek, bizdiń elimizge «jabaıy» polıovırýstyń kelý, onyń ishinde azyq-túlik ónimderimen kelý qaýpi joq emes. Ásirese, esh óńdeýsiz tamaqqa paıdalanylatyn keptirilgen jemister men jańǵaqtar erekshe qaýipti», - delingen resmı qujatta.
