Tájikstandaǵy kóshkin: 10 myńnan astam adam qaýipsiz jerge shyǵaryldy

ASTANA. QazAqparat - Tájikstannyń Taýly Badahshan avtonomdy oblysynan kóshkin saldarynan 10 myńnan astam turǵyn qaýipsiz jerge shyǵaryldy.

Oblys bıligi japa shekkenderdi mektepterge nemese týystarynyń úılerine attandyrýda.

Tájik qutqarýshylarynyń habarlaýynsha, úlken sel Gýnd ózenine quıylyp, ondaǵy sýdyń kóterilýine túrtki boldy. Endi Shýgnan aýdanynyń ondaǵan eldi mekenin jáne 30 myń turǵyny bar Horoga qalasyn sý basý qaýpi tóndi.

Taýly Badahshannyń japa shekken Barsem men Kolhozobad eldi mekenderine tikushaqpen qajetti zattar aparylyp jatyr. Bul aýdandardyń turǵyndary taýly jerlerde úısiz-kúısiz úshinshi táýlik ómir súrýde.

Aımaqtaǵy iri elektr taratý jelileri isten shyqty. Kóshkin 50-den astam turǵyn úıdi qıratty, 2 shaqyrymdaı avtomobıl jolyna zaqym keltirdi, Taýly Badahshan aýdanynyń Barsem jáne Kolhozobad eldi mekenderinde elektr taratý jelilerin isten shyǵardy.