Tájikstanda jas musylmandardyń qajylyqqa barýyna tyıym salyndy
«Osylaısha, 35 jastan asqan, eresek jasqa jetken sanalatyn musylmandar ǵana qajylyqa barý múmkindigine ıe bola alady», delingen habarlamada.
«Mundaı sheshim qabyldaýdyń maqsaty egde adamdardyń qajylyqqa barý týraly armandaryn júzege asyrýlaryna múmkindik berý boldy», - dep túsindirdi vedomstvoda.
Komıtet aıasynda jyl saıyn Saýd Arabııasynda ornalasqan ıslamdyq kıeli orynǵa qajylyqqa barýǵa tilek bildirýshilerdiń tizimi jasalady. Koroldik eldegi musylmandardyń jalpy sanyn esepke alyp, musylman elderine belgili bir mólsherde kvota bóledi.
Ótken jyly 8 myń tájik qajylyqqa bardy, bul respýblıkada turatyn ár mıllıon turǵynǵa shaqqanda, bir myńnan keledi. Alaıda, kıeli orynǵa halyqtyń tym kóp jınalyp, keptelis saldarynan adam óliminiń jıilep ketýine baılanysty bıylǵy jyly Saýd Arabııasy kvota sanyn qysqartyp otyr.
«Aǵymdaǵy jyly Saýd Arabııasy Tájikstanǵa 6,3 myń ǵana kvota berdi», - dedi komıtetten. Budan buryn Tájikstan prezıdenti Emomalı Rahmon qajylyqty sońǵy jyldary sánge aınaldyrǵan tájik azamattaryn «sońǵy aqshalaryna, qaryzdanyp nemese kıeli orynǵa birneshe ret sapar shegýdi maqsat tutqansha, kedeılerge kómek qolyn sozýǵa» shaqyrǵan bolatyn, dep jazady Interfaks.
