Tájikstanda jańa oqý jylyn 1 tamyzǵa aýystyrýdy usynýda

ASTANA. QazAqparat - Tájikstanda oqý jylyn ádettegiden bir aı buryn - 1 tamyzǵa aýystyrýdy usynýda, dep habarlady Tájik telegraf agenttigi sársenbi kúni.

«Tájikstan bilim jáne ǵylym mınıstrligine qarasty Bilim berýdi damytý ınstıtýty oqýshylardyń jańa oqý jylyn 1 qyrkúıekten 1 tamyzǵa aýystyrýdy usyndy. Bul bastama bilim mınıstrliginde talqylanýda. Qazirgi tańda atalmysh máseleni qarastyryp jatyr», - dep rastady aqparatty TR bilim jáne ǵylym mınıstrligi.

Aıta keteıik, bul bastama Tájikstan prezıdentiniń orta mektepterdegi oqý júıesine ózgeris engizý týraly usynysynan keıin paıda boldy.