Tájikstanda YouTube vıdeohostıngine qoljetimdilik shekteldi

ASTANA. QazAqparat - Seısenbide Tájikstanda YouTube vıdeohostıngine qoljetimdilik ishinara shekteldi. Bul týraly osy eldegi Internet-provaıderler qaýymdastyǵynyń tóraǵasy Asomıddın Atoev málim etti, dep jazady Ýtro.rý.

YouTube Tájikstanda ótken jyldyń shildesinen bastap tórtinshi ret jabylyp otyr. Sońǵy eki jylda bul eldiń bıligi túrli saıttardy birneshe márte shektegen bolatyn, onyń ishinde Facebook áleýmettik jelisin, reseılik jańalyqtar portaldaryn shektegen edi. Sol kezde olar buny tehnıkalyq problemalarmen túsindirgen kórinedi.

«Qazirgi kezde vıdeohostıngke qoljetimdilikti kem degende tórt ınternet-provaıder shektedi», - dedi Atoev.