Tájikstanda Ulttyq qaýipsizdik komıtetiniń generalyn óltirip ketti
ASTANA. 22 shilde. QazAqparat - Tájikstanda Ulttyq qaýipsizdik komıtetiniń generalyn óltirip ketti. ITAR-TASS agenttiginiń aqparatyna qaraǵanda, bul faktini tájiktiń arnaıy qyzmet bastyǵynyń orynbasary Mansýrdjon Ýmarov rastaǵan.
Onyń aıtýynsha, oqıǵa keshe keshkisin Taýly-Badahshan avtonomııaly okrýgynyń Horoga qalasynda oryn alǵan. Ishkashım aýdany ortalyǵynan qyzmettik kólikpen qaıtyp kele jatqan genaralǵa jolda belgisiz adamdar shabýyl jasaǵan. Kólikti toqtatqan olar generaldy syrtqa alyp shyǵyp soqqynyń astyna alǵan. Aýyr jaraqattan sheneýnik kóz jumǵan.
Ýmarovtyń sózine qaraǵanda, jedel-tergeý brıgadasy qurylyp, «Tosqaýyl» jospary jarııalanǵan.
