Tájikstanda sońǵy táýlikte birde-bir adam COVID-19 juqtyrmaǵan
NUR-SULTAN. QazAqparat – Sońǵy táýlikte Tájikstanda COVID-19 koronavırýsyn juqtyrýdyń jańa jaǵdaıy tirkelgen joq. Bul týraly QazAqparat «Hovar» saıtyna silteme jasap habarlaıdy.
Tájikstan Respýblıkasy Densaýlyq saqtaý jáne áleýmettik qorǵaý mınıstrliginiń baspasóz qyzmeti habarlaǵandaı, 4 qańtar kúngi málimet boıynsha elde koronavırýs juqtyrǵan 13 300 adam bar. Onyń ishinde 13 018 adam nemese 97,8%-y osy kúnge deıin jazylyp ketken. Sonymen qatar, osy dert saldarynan 90 adam qaza tapqan.
Al aýrýdyń jeńil belgileri bar taǵy 192 adam úıde dárigerlerdiń baqylaýymen ambýlatorııalyq jaǵdaıda em alyp jatyr.
